दिशा सालियान मृत्यू प्रकरणात आदित्य ठाकरेंचं FIRमध्ये नाव आल्यानंतर राजकीय वर्तुळात एकच खळबळ माजली..अ्शातच ठाकरेसेनेचे खासदार संजय राऊतांनी तीन मुद्द्यांमुळे सरकार ठाकरेंवर दबाब आणण्याचा प्रयत्न करत असल्याचा गंभीर आरोप केलाय... तसचं डिलिमिटेशनला पाठींबा देण्यासाठी हा कट रचला जातोय, असा दावाही राऊतांनी केलाय.

दरम्यान दिशा सालियन प्रकरणातील FIR ची स्क्रीप्ट सह्याद्री अतिथीगृहावर दोन नेत्यांच्या भेटीत लिहिली गेल्याचा आरोप करत राऊतांनी अमित शाह आणि एकनाथ शिंदेंचं नाव न घेता निशाणा साधलाय. मुख्यमंत्र्यांनी मात्र हे आरोप फेटाळून लावले आहेत.

दिशाचे वडील सतीश सालियन यांच्या जबाबात आदित्य ठाकरेंसह थेट उद्धव ठाकरेंपासून अनिल देशमुखांपर्यंत सर्वांचा करण्यात आलेला उल्लेख पाहता या प्रकरणाला राजकीय वळण मिळणार हे स्पष्ट आहे. दिशा सालियन प्रकरणात सीबीआयनं दिल्लीत नोदवलेल्या या FIRमध्ये आरोपींचा रकाना मोकळा ठेवल्यानं गूढ वाढलं असून भविष्यात हे प्रकरण कोणतं वळण घेतं याबाबत उत्सुकता वाढलीय.