मंत्रालयाच्या सुरक्षेसाठी नवीन प्रकल्प कार्यान्वित करण्यात आला आहे. याच्या पहिल्या टप्प्यात चेहरा ओळख आधारित प्रवेश प्रणाली लागू करण्यात आली आहे. दुसऱ्या टप्प्यात, अभ्यागतांच्या प्रवेशासाठी ‘व्हिजिटर मॅनेजमेंट सिस्टीम’ प्रणाली विकसित करण्यात आली आहे. यापुढे मंत्रालयात क्षेत्रीय कार्यालयातील अधिकारी, कर्मचारी किंवा अभ्यागत यांना प्रवेश मिळवण्यासाठी ‘डिजीप्रवेश’ या ऑनलाईन ॲपचा वापर करावा लागणार आहे. हे ॲप वापरून पूर्वपरवानगी घेतल्यानंतरच मंत्रालयात प्रवेश मिळणार आहे. या प्रणालीमुळे सुरक्षा अधिक मजबूत होणार असून, प्रवेश प्रक्रियेत सुसूत्रता आणि पारदर्शकता येणार आहे. डिजिटल तंत्रज्ञानाच्या मदतीने मंत्रालयात सुरक्षित आणि नियंत्रित प्रवेश सुनिश्चित करण्यात येणार आहे.

मंत्रालयाच्या सुरक्षिततेसाठी नवा प्रकल्प सुरू करण्यात आला असून, त्याअंतर्गत अत्याधुनिक तंत्रज्ञानाचा वापर केला जात आहे. पहिल्या टप्प्यात चेहरा ओळख प्रणालीचा समावेश करून मंत्रालयाच्या प्रवेशद्वारांवर कडक सुरक्षा यंत्रणा बसवण्यात आली आहे. दुसऱ्या टप्प्यात, अभ्यागतांसाठी ‘व्हिजिटर मॅनेजमेंट सिस्टीम’ विकसित करण्यात आली आहे, ज्यामुळे प्रवेशाची प्रक्रिया अधिक सुव्यवस्थित होईल.

यापुढे मंत्रालयात प्रवेश मिळवण्यासाठी अधिकारी, कर्मचारी आणि अभ्यागतांना ‘डिजीप्रवेश’ या ऑनलाईन ॲपद्वारे नोंदणी करावी लागणार आहे. पूर्वपरवानगीशिवाय प्रवेश दिला जाणार नाही. या प्रणालीमुळे सुरक्षा अधिक कडेकोट होणार असून, अनधिकृत प्रवेश टाळला जाईल. डिजिटल तंत्रज्ञानाच्या वापरामुळे प्रवेश व्यवस्थापन अधिक पारदर्शक आणि जलद होईल. मंत्रालयाच्या सुरक्षिततेत सुधारणा करून प्रवेश प्रक्रियेत आधुनिकता आणण्यासाठी हा मोठा निर्णय घेण्यात आला आहे.

मंत्रालयात येणाऱ्या सर्व अभ्यागतांना दुपारी २ वाजेनंतर प्रवेश देण्यात येईल. अशा प्रवेशासाठी त्यांना डिजीप्रवेश या ऑनलाईन ॲप आधारीत प्रणालीद्वारे मंत्रालय प्रवेशपास घेऊन मंत्रालयात प्रवेश मिळविता येईल. अभ्यागतांनी मंत्रालयात प्रवेश मिळविण्यासाठी आधार कार्ड, वाहन परवाना, पॅन कार्ड आदी शासन मान्य ओळखपत्र सादर करणे आवश्यक आहे. अशिक्षीत तसेच स्मार्टफोन नसलेल्या अभ्यांताकरीता गार्डन गेट येथे ऑनलाईन ॲप आधारीत प्रणालीद्वारे मंत्रालय प्रवेश नोंदणीकरीता तसेच मदतीकरीता एक खिडकी उपलब्ध असणार आहे.

‘डिजीप्रवेश’ ॲपद्वारे आपली नोंदणी केल्यानंतर मिळणाऱ्या क्यू आर कोड आधारे मंत्रालयाबाहेर असलेल्या खिडकीवर मंत्रालय प्रवेशाकरिता आरएफआयडी कार्ड वितरीत करण्यात येईल. हे आरएफआयडी कार्ड आधारे सुरक्षाविषयक तपासणी करून मंत्रालयात प्रवेश देण्यात येईल. अभ्यागतांना आरएफआयडी प्रवेश ओळखपत्र परिधान करणे व मंत्रालयातून बाहेर जाताना ते सुरक्षा कर्मचाऱ्यांकडे जमा करणे बंधनकारक राहील.

अभ्यागतांनी अशी करावी नोंदणी

‘डिजीप्रवेश’ ॲप आता ॲन्ड्रॉइड आणि आयओएस दोन्ही प्लॅटफॉर्मवर उपलब्ध आहे. ॲन्ड्रॉइड वापरकर्त्यांसाठी हे प्ले स्टोअरवर, तर आयफोन वापरकर्त्यांसाठी ॲपल स्टोअरवर ‘Digi Pravesh’ असे सर्च करून मोफत डाऊनलोड करता येईल. या ॲपवर एकदाच नोंदणी करावी लागेल. आधार क्रमांकावर आधारित छायाचित्र ओळख प्रणालीद्वारे नोंदणी पूर्ण केली जाते. त्यानंतर, संबंधित विभागाचा स्लॉट बुक करून अभ्यागतांना रांगेत उभे न राहता मंत्रालयात प्रवेश मिळेल. संपूर्ण प्रक्रिया जलद असून, केवळ तीन मिनिटांपेक्षा कमी वेळेत पूर्ण करता येते.