धुळे : शिंदखेडा तालुक्यातील नरडाणा शासकीय रुग्णालय मध्ये डॉक्टर उपस्थित नसल्यामुळे 20 वर्षीय तरुणाचा मृत्यू झाल्याचा आरोप लावत मृताच्या संतप्त नातेवाईकांनी रुग्णालयाची तोडफोड केली आहे.

हे देखील पहा :

वीस वर्षीय दीपक वडर हा तरुण विहिरीत पडल्यानंतर त्याला स्थानिकांनी बाहेर काढले. पुढील उपचारासाठी नरडाणा शासकीय रुग्णालय मध्ये दाखल केले. परंतु शासकीय रुग्णालयामध्ये डॉक्टरच उपस्थित नसल्यामुळे या तरुणाचा मृत्यू झाला असल्याचा आरोप नातेवाईकांनी केला आहे.

दीपक वडर या तरुणाचा मृत्यू झाल्याचा राग मनात धरून नातेवाईकांनी संपूर्ण शासकीय रुग्णालयाची तोडफोड केली आहे. या संदर्भातील माहिती पोलिसांना समजल्यानंतर पोलिसांनी घटनास्थळी धाव घेतली व परिस्थिती आटोक्यात आणण्याचा प्रयत्न केला.

Edited By : Krushnarav Sathe