चिमठाणे (धुळे) : तापी नदीवर गेलेल्या वडील व दोन मुलांचा दुर्दैवी मृत्यू झाल्याची घटना घडली. तापी नदीच्या (Tapi River) काठी गेल्यानंतर पाण्यात उतरले असता त्यांचा बुडून मृत्यू झाला. दुसऱ्या दिवशी (Dhule) त्यांचे मृतदेह तरंगताना आढळून आले. (Breaking Marathi News)

सेंधवा (मध्य प्रदेश) येथील मूळचे रहिवाशी असलेले कुटुंब नेवाडे (ता. शिंदखेडा) येथे मजुरीसाठी आले होते. आदिवासी कुटुंब चार- पाच वर्षांपासून येथेच वास्तव्यास होते. दरम्यान शुक्रवारी (८ सप्टेंबर) दुपारी शेतातील झोपडीतून नदीकाठी हरसिंग भीमसिंग देवरे (वय ३५), त्यांचा मुलगा आकाश (वय ८) व मुलगी नवसी (वय १०, सर्व रा. झोपाली, ता. सेंधवा, जि. बडवानी, मध्य प्रदेश) नदीकाठी गेले असता त्यांचा बुडून मृत्यू झाला. 

दुसऱ्या दिवशी आढळून आले बेशुद्धावस्थेत 

शनिवारी (ता.९) ते तिघे नेवाडे येथील तापी नदीकाठावर मिळून आले. त्यांना शिंदखेडा येथील ग्रामीण रुग्णालयात दाखल केले असता डॉ. कुंदन वाघ यांनी त्याना मृत घोषित केले. शिंदखेडा पोलिसांत अकस्मात मृत्यू्ची नोंद झाली. तिघे तापी नदीपात्राच्या किनाऱ्याला बेशुद्धावस्थेत मिळून आले.