धुळे : मुंबई- आग्रा महामार्गावर लळींग टोलनाक्यानजीक मोहाडी पोलिसांनी धाडसी कारवाई करत मध्यप्रदेशच्या व्यापाऱ्यासह दोघांना बेड्या ठोकल्या. त्यांचा एक साथीदार मात्र फरार झाला आहे. या कारवाईत पोलिसांनी (Police) अडीच किलो गांजा, गावठी पिस्तुल काडतुसे आणि चाकुसह चार लाखांचा मुद्देमाल जप्त केला आहे. (dhule news Two men carrying hemp were jailed with pistols)

मोहाडी पोलिसांचे पथक रात्री गस्तीवर असताना मुंबई- आग्रा महामार्गावर (Mumbai Agra Highway) लळींग टोलनाक्याजवळ हॉटेल दरियासमोर उभ्या असलेल्या जीप (क्र. एमएच 16, ७१५१) क्रमांकाच्या उघड्या जीपबाबत त्यांना संशय आला. (Dhule News) मोहाडी पोलिसांचे पथक वाहना जवळ पोहचले. त्यांनी वाहन चालक- मालक नदीम मोहम्मद शमीन सिद्दीकी आणि असलम खान अलीयार, खान पठाण या व्यापाऱ्याची चौकशी सुरु केली.

पिशवीत अडीच किलो गांजा

दोघांकडे असलेल्या पिवळ्या पिशवीची तपासणी केली असता त्यात अडीच किलो गांजा आढळून आला. तसेच दुसऱ्या पिशवीत गावठी बनावटीचे पिस्तल जीवंत काडतुसे आढळून आली. मोहाडी पोलिसांनी जीपसह 3 लाख 82 हजार 900 रुपये किंमतीचा मुद्देमाल जप्त केला आहे.