न्याहळोद (धुळे) : लसूण, भाजीपाला विक्रेते कैलास बाबूलाल खैरनार (वय ५१) यांनी आर्थिक विवंचनेतून गळफास घेऊन आत्महत्या केली. सदर घटना आज सकाळी उघळकीस आली. (dhule-news-suicide-of-a-vegetable-seller-A-note-found-in-his-pocket)

न्याहळोद धुळे कापडणे रस्त्यालगत अंजनाबाई महाजन यांच्या शेताच्या बांधावर भोकरच्या झाडाला गाडा बैलच्या जोतच्या साह्याने गळ्याला दोर बांधून आत्महत्या केल्‍याचे आज उघडकीस आले. आत्महत्येचे नेमके कारण कळू शकले नाही. काही दिवसापासून त्यांना आर्थिक विवंचनेची अडचण भासत होती. असे ग्रामस्थांमध्‍ये बोलले जात आहे. घटनास्थळी सोनगीर बीट हवलदार विजय पाटील यांनी पंचनामा केला असून शवविच्‍छेदनासाठी मृतदेह रवाना करून पुढील तपास करीत आहेत. त्यांची अंत्ययात्रा न्याहळोद येथील पांझरा नदीपात्रात करण्यात आली. त्यांच्या पश्चात आई वडील, पत्नी, मुलगा, सून, मुलगी असा परिवार आहे. ते बाबूलाल खैरनार यांचे पुत्र तर ज्ञानेश्वर खैरनार यांचे वडील होत.

चिठ्ठीत असा आहे उल्‍लेख

कैलास खैरनार यांचा मृतदेह खाली उतरवताना खिशातून चिठ्ठी निघाली. त्यात उल्लेख केला असून माझा आत्महत्येच्यामागे मुलाचा, सून, मुलीचा, आई- वडिलांचा व पत्नीचा कोणाचाही दोष नाही. मी माझ्या इच्‍छेनुसार मरत असल्‍याचा उल्‍लेख करत खाली आपलाच कैलास खैरनार अशी सही केली आहे.