धुळे : धुळे सार्वजनिक बांधकाम विभागाच्या कर्मचाऱ्यांनी अधिकाऱ्यांच्या जाचाला कंटाळून आज काम बंद आंदोलनाची (Dhule News) हाक दिली आहे. या सर्व कर्मचाऱ्यांनी अधिकाऱ्यांच्या जाचाला कंटाळून या अधिकाऱ्यांविरोधात कारवाई करण्याची मागणी करत आज काम बंद आंदोलन केले आहे. (Maharashtra News)

सार्वजनिक बांधकाम विभागाच्या (PWD) कार्यकारी अभियंता अधिकाऱ्यांकडून सार्वजनिक बांधकाम विभागाच्या सर्वच स्तरावरील कर्मचाऱ्यांना मानसिक त्रास दिला जात असल्याचा आरोप संपकरी कर्मचाऱ्यांनी लावला आहे. संबंधित महिला अधिकारीस वरिष्ठ अधिकाऱ्यांतर्फे सक्तीच्या रजेवर पाठविण्यात यावे; अशी मागणी करण्यात आली आहे.

अधिकाऱ्यांविरुद्ध घोषणाबाजी

या संदर्भात सर्व संतप्त कर्मचाऱ्यांनी जिल्हाधिकाऱ्यांसह सार्वजनिक बांधकाम विभागाच्या वरिष्ठ अधिकाऱ्यांना याबाबतचे निवेदन देखील दिले आहे. या संदर्भात सर्व संपकरी कर्मचाऱ्यांनी सार्वजनिक बांधकाम विभागाच्या कार्यालयाबाहेर संबंधित अधिकाऱ्यांविरुद्ध घोषणाबाजी केल्याचे देखील बघावयास मिळाले आहे.