धुळे : जिल्‍ह्यातील बोरीस गावातील मंदिरांमधील दानपेट्या चोरी झाल्‍या होत्‍या. याचा तपास पोलिसांकडून (Police) सुरू होता. या दरम्‍यान मंदिरातील दानपेटी चोरी करणाऱ्या दोघा चोरट्यांच्या मध्यप्रदेशमधून स्थानिक गुन्हे अन्वेषण विभागाच्या (Dhule) पथकाने अटक केली आहे. (Breaking Marathi News)

धुळे तालुक्यातील सोनगीर पोलीस ठाण्याच्या हद्दीमध्ये असलेल्या बोरीस या गावातील मंदिरातून दानपेट्या चोरी गेल्याची घटना गेल्या ४ जुलैला उघडकीस आली होती. यामध्ये लावण्यात आलेल्या सीसीटीव्ही कॅमेरामध्ये चोरट्यांच्या हालचाली देखील कैद झाल्या होत्या. या अनुषंगाने सीसीटीव्ही फुटेच्या आधारे सोनगीर पोलिसांसह स्थानिक गुन्हे अन्वेषण विभागाच्या पथकाने समांतर तपास सुरू केला होता.

पाच हजाराची रोकड हस्‍तगत

पोलिसांच्‍या तपासादरम्‍यान मध्य प्रदेशमधील बडवानी येथील दोघा तरुणांनी ही चोरी केली असल्याचे उघडकीस आले. स्थानिक गुन्हे अन्वेषण विभागाच्या पथकाने या ठिकाणी पोहोचून या दोघेही चोरट्यांना ताब्यात घेतले असून त्यांच्याकडून चोरी केलेल्या दानपेठ्यासह पाच हजारांची रोकड हस्तगत केली आहे.