धुळे : रक्षाबंधन सणाच्या निमित्ताने राष्ट्रवादी काँग्रेस पक्षाचे शहर जिल्हाध्यक्ष रणजीत राजे भोसले यांनी आज धुळे शहरातील कोरोनामुळे पती गमावलेल्या विधवा, कोरोनामुळे भाऊ गेलेल्या बहिणी तसेच आई-वडील गमावलेल्या मुली यांच्या सोबत भावनिक रक्षाबंधन साजरा केले आहे. (dhule-news-Rakshabandhan-by-NCP-giving-employment-gift-from-corona-affected-families)

धुळ्यामध्ये कोरोनाचा कहर सुरू असताना बरेचसे संसार उघड्यावर पडले. त्यामध्ये कर्ता पुरुष कोरोनामुळे दगावल्याने विधवा झालेल्या महिलांना त्याचबरोबर आई- वडील गमावलेल्या मुलींना आधार देण्यासाठी राष्ट्रवादी काँग्रेस पक्षातर्फे गेल्या काही दिवसांपूर्वी रोजगाराची हमीबाबत शब्द देण्यात आलेला होता. आणि तो आज राष्ट्रवादी काँग्रेस पक्षाचे जिल्हाध्यक्ष रणजित राजे भोसले यांनी पूर्ण केला.

त्‍या भगिनींना रोजगाराची भेट

रक्षाबंधनानिमित्‍ताने रणजित राजे भोसले या सर्व महिला भगिनींना कंत्राटी पद्धतीने रोजगार मिळवून देण्याचा प्रयत्न केला आहे. त्यामुळे या महिला भगिनींना रक्षाबंधनाच्या दिवशी मोठा आधार मिळाला आहे.