धुळे : मराठा आरक्षणाची धग राज्यातील प्रत्येक शहरात पोहचली आहे. त्यानुसार धुळ्यात (Dhule) देखील आंदोलन सुरु आहे. आंदोलनादरम्यान मराठा आंदोलक संतप्त झाले असून आरक्षणासाठी (Maratha Aarkshan) आंदोलकांनी एसटी बसवरील राज्य सरकार व केंद्र सरकारच्या मंत्र्यांच्या फोटोंना काळे फसले आहे. (Maharashtra News)

मराठा समाजाला आरक्षण मिळावे, यासाठी मनोज जरांगे पाटील यांच्या उपोषणाला पाठिंबा देत धुळ्यात देखील मराठा क्रांती मोर्चाच्यावतीने उपोषण सुरू आहे. या दरम्यान संतप्त मराठा आंदोलकांनी आज मुख्यमंत्री एकनाथ शिंदे त्याचबरोबर उपमुख्यमंत्री देवेंद्र फडणवीस, उपमुख्यमंत्री अजित पवार व पंतप्रधान नरेंद्र मोदी यांच्या फोटोला काळे फासून राज्य सरकार व केंद्र सरकारचा निषेध केला. 
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सरकारच्या विरोधात घोषणाबाजी 
आंदोलनाची धग धुळ्यात पोहोचली असून आंदोलक संतप्त झाले. मराठा आंदोलकांनी परिवहन विभागाच्या एसटी बसेसवर राज्य सरकारच्या लावण्यात आलेल्या जाहिरातींच्या फोटोंवरील मुख्यमंत्री, उपमुख्यमंत्री त्याचबरोबर पंतप्रधानांच्या फोटोंना काळे फासत राज्य सरकारच्या व केंद्र सरकारच्या विरोधात घोषणाबाजी केली आहे.