धुळे : धुळे शहरातील पांझरा नदी यंदा पहिल्यांदाच दुथडी भरून वाहू लागली आहे. साक्री तालुक्यात झालेल्या मुसळधार पावसानंतर अक्कलपाडा (Dhule News) धरणाच्या पाणी पातळीत प्रचंड प्रमाणात वाढ झाली आहे. त्यामुळेच प्रशासनातर्फे अक्कलपाडा धरणातून मोठ्या प्रमाणात पाण्याचा विसर्ग केला जात आहे. (dhule news Panjra river started flowing for the first time)

दोन–तीन दिवसांपासून धुळे, नंदुरबार (Nandurbar) जिल्‍ह्यात पाऊस (Rain) पडत आहे. यामुळे जवळपास सर्वच नद्यांना पुर आला आहे. दरम्‍यान वर्षभर कोरडी असलेली पांझरा नदी यंदा पहिल्यांदाच दुथडीवरून वाहू लागली आहे. पांझरा नदीला पूर आल्यामुळे छोटा पूल हा पाण्याखाली गेला आहे.

पोलिसांकडून सतर्कतेचे आवाहन

यंदाच्या वर्षी पांझरा नदी पहिल्याच पावसात दुथडी भरून वाहू लागली असल्यामुळे परिसरातील नागरिकांना सेल्फी काढण्याचा मोह आवरला जात नाही. सेल्फीच्या नादात कुठलीही अनुचित घटना घडू नये; यासाठी पोलीस (Police) प्रशासनातर्फे नागरिकांना सतर्कतेचे आवाहन करण्यात आले आहे.