धुळे : क्रांतीज्योती सावित्रीबाई फुले यांच्याबद्दल आक्षेपार्ह लेख लिहिणाऱ्या (Dhule News) इंडक टेल्स वेबसाईट कंपनी विरोधामध्ये (NCP) राष्ट्रवादी काँग्रेस पक्षाचे पदाधिकारी व कार्यकर्ते आक्रमक झाले आहे. या विरोधात धुळ्यात निषेध करत आंदोलन करण्यात आले. (Latest Marathi News)

इंडक टेल्स नामक वेबसाईटवर भारतीय स्त्री शिक्षणाच्या जनक (Savitribai Phule) क्रांतीज्योती सावित्रीबाई फुले यांच्या जीवनाविषयी अत्यंत खालच्या पातळीवर जाऊन लिखाण करण्यात आले. सावित्रीबाई फुले यांच्या कामाबद्दल इंडक टेल्स यांच्या लेखात अतिशय अपमानकारक भाषेचा वापर करण्यात आलेला आहे. अशा प्रकारे महापुरुषांचा अपमान करणाऱ्यांना भाजप व शिंदे गटातर्फे प्रोत्साहन दिले जात असल्याचा देखील आरोप यावेळी राष्ट्रवादी काँग्रेस पक्षाच्या आंदोलकांनी लावला आहे.

आंदोलन करत निषेध

आक्षेपार्ह लिखाण करणाऱ्या कंपनीविरोधात राष्‍ट्रवादीने आंदोलन केले. यावेळी सावित्रीबाई फुले यांच्या पुतळ्यासमोर धुळे शहर राष्ट्रवादी काँग्रेस पक्षाच्या वतीने आंदोलन करून निषेध व्यक्त करण्यात आले आहे.