धुळे : रक्षाबंधनाच्‍या सणाला देखील सुटी नसल्‍याने आपली सेवा बजावत आहेत. रक्षाबंधनानिमित्‍ताने माहेर जाणाऱ्या महिलाना सुरक्षित पोहचविणाऱ्या एसटी चालक- वाहकांना राष्ट्रवादी काँग्रेस पक्षाच्या महिलांनी राखी बांधून अनोख्या पद्धतीने केले रक्षाबंधन साजरे केले. (dhule-news-ncp-women-celebration-raksha-bandhan-ST-driver-and-condoctor)

एसटीमधून प्रवास करत असताना महिलांची संपूर्णपणे जबाबदारी ही चालक व वाहकवर असते व ते ही जबाबदारी चोखपणे पार पाडत असतात. त्यामुळे सुरक्षेच्यादृष्टीने महिलांना प्रवास करताना एसटीचा प्रवासच उत्तम वाटत असतो. आणि त्यामुळेच महिला प्रवास करताना एसटीमधूनच प्रवास करीत असतात.

बसस्‍थानकात जावून रक्षाबंधन

रक्षाबंधनाच्या निमित्ताने एसटीमधील चालक व वाहक भावाप्रमाणे महिलांची सुरक्षा करत असतात. यामुळे राष्ट्रवादी काँग्रेस पक्षाच्या महिला पदाधिकारी व कार्यकर्त्यांनी धुळे परिवहन विभागाच्या चालक व वाहकांना राखी बांधून प्रवासादरम्यान महिलांचे संरक्षण करणाऱ्या भावांचे आभार मानले आहेत.