धुळे : ज्यांच्याबरोबर ३५ वर्ष काढली, त्यांना सोडून दुसऱ्या व्यक्तीसोबत जाऊन त्यांचा देखील विश्वास संपादन करणे हे आपल्यासारख्या माणसासाठी फार कठीण काम (Gulabrao Patil) असल्याचे मत मंत्री गुलाबराव पाटील यांनी (Shirpur) शिरपूर येथे आयोजित कार्यक्रमादरम्यान स्पष्ट केले. (Maharashtra News)

पाच वर्षात अशी कोणतीच पार्टी नाही की तिने सरकार चालवलं नाही. पाच वर्षात सकाळी दुपारी संध्याकाळी तीनही टाईम शपथविधी झाला. या तीनही वेळी मी त्या ठिकाणी उपस्थित असल्याचेही वक्तव्य मंत्री गुलाबराव पाटील यांनी शिरपूर येथील एका कार्यक्रमादरम्यान केले आहे. 

विद्यार्थ्यांच आणि आमचं सारखच आहे; असे म्हणत परीक्षा देणाऱ्या विद्यार्थ्यांसारखे आम्हाला देखील नापास झालं तर (Dhule News) पाच वर्ष थांबावं लागते. १७ नंबर फॉर्म भरावा लागतो व त्यानंतर पुन्हा परीक्षा द्यावी लागते. त्यातही दिल तर दिलं नाही तर चाललो आपल्या घरी अशी परिस्थिती असल्याचं म्हणत मंत्री गुलाबराव पाटील यांनी विद्यार्थ्यांचा आणि राजकारण्यांचा गणित कसं सारख आहे; हे पटवून दिले.