धुळे : निवडणूक आयोगाने ग्रामपंचायत निवडणुकीचा कार्यक्रम जाहीर केल्यानंतर इच्छुकांची भाऊगर्दी (Dhule) सुरु झाली. आता या निवडणुकीसाठी अर्ज दाखल करण्याची लगबग सुरु झाली असून ग्रामपंचायत (Grampanchayat) निवडणुकीच्या पार्श्वभूमीवर इच्छुक उमेदवारांना अर्ज दाखल करण्यासाठी सर्वर डाउनचा त्रास सहन करावा लागत आहे. (Tajya Batmya)

धुळे जिल्ह्यामध्ये सध्या ५१ ग्रामपंचायतच्या निवडणुक लागली आहे. यामुळे या ग्रामपंचायतींमध्ये रणधुमाळी सुरू झाली असून गेल्या दोन दिवसांपासून नामनिर्देशन अर्ज भरण्याची लगबग इच्छुक उमेदवारांची सुरू आहे. २० ऑक्टोम्बर संध्याकाळी पाच वाजेपर्यंत उमेदवारांना आपले नामनिर्देशन अर्ज ऑनलाईन पद्धतीने दाखल करता येणार आहे. परंतु ऑनलाईन पद्धतीने ही सर्व अर्ज दाखल करण्याची प्रक्रिया सुरू असून सर्वर डाऊन असल्यामुळे इच्छुक उमेदवारांना मोठ्या अडचणींचा सामना करावा लागत आहे. 

ऑनलाईन तरी तासनतास वेट 

उमेदवारी अर्ज दाखल करण्यासाठी आता अखेरचे तीन दिवस उरलेले असताना सर्व्हर डाऊनचा त्रास आता इच्छुक उमेदवारांना होत असल्याचे दिसून येत आहे. सर्व्हर डाऊन असल्यामुळे इच्छुक उमेदवारांना तासनतास अर्ज दाखल करण्यासाठी रखडत बसावं लागत आहे.