धुळे : ग्रामपंचायतीसाठी आज मतदान प्रक्रिया पार पडत आहे. सकाळपासून शांततेत मतदान सुरु असून शिंदखेडा (Shindkheda) तालुक्यातील मांडळ येथील मतदान केंद्रावर अचानक गोंधळ उडाला. निवडणुकीच्या रिंगणात उभ्या असलेल्या उमेदवाराच्या कारकर्त्यांनी गोंधळ घातला. यामुळे काहीवेळ (Dhule)  मतदानाची प्रक्रिया थांबविण्यात आली होती. (Tajya Batmya)

धुळे जिल्ह्यातील शिंदखेडा तालुक्यातील मांडळ गावात मतदान केंद्रावर कार्यकर्त्यांनी घोंधळ घातल्याचे पाहण्यास मिळाले. मतदान केंद्रावर (Grampanchayat) उमेदवाराचे चिन्ह असलेली चिठ्ठी आणण्यात आल्याने कार्यकर्त्यांनी आक्षेप घेत एकच गोंधळ घातला. मतदान केंद्रावर गोंधळ उडताच बंदोबस्तात तैनात असलेल्या पोलीस कर्मचाऱ्यांनी गोंधळ घालणाऱ्या कार्यकर्त्यांना मध्यस्थी करत मतदान केंद्रापासून बाजूला नेत तणाव शांत करण्याचा प्रयत्न केला. मतदान केंद्रावर कार्यकर्त्यांनी राडा केल्याने मतदान केंद्रा बाहेर तणावाची परिस्थिती निर्माण झाली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काही वेळ मतदान प्रक्रिया स्थगित 
बाहेर गोंधळ होताच मतदान प्रक्रिया काही काळासाठी  थांबवण्यात आली होती. परंतु तणाव शांत होताच पुन्हा मतदान प्रक्रिया सुरळीत सुरू करण्यात आली आहे. पोलीस प्रशासनातर्फे या ठिकाणी परिस्थितीवर नियंत्रण ठेवण्यासाठी मोठ्या प्रमाणात बंदोबस्त तैनात करण्यात आला आहे.