धुळे : राष्ट्रवादी काँग्रेस पक्षातर्फे आज शिंदे व फडणवीस सरकार विरोधामध्ये जागतिक गद्दार व खोके दिवस साजरा करण्यात आला आहे. (NCP) राष्ट्रवादी काँग्रेस पक्षाच्या पदाधिकारी व कार्यकर्त्यांनी एकत्र येत खोके (Dhule) दाखवत आणि त्यावर निषेधाचे मॅसेज झळकवले. (Latest Marathi News)

मुख्‍यमंत्री एकनाथ शिंदे यांच्‍यासह ४० आमदारांनी महाविकास आघाडी (Mahavikas Aaghadi) सरकारला मोठा धक्का दिला होता. यानंतर शिंदे– फडणवीस सरकार स्‍थापन झाले. या सरकारच्या स्थापनेनंतर शिंदे व फडणवीस सरकारला गद्दार व खोके सरकार म्हणून महाविकास आघाडीच्या तीनही पक्षांतर्फे संबोधित करण्यात आले आहे. तसेच वेळोवेळी या नावाने निषेध देखील शिंदे व फडणवीस सरकारचा करण्यात आला आहे.

आजचा दिवस गद्दार व खोके दिवस म्हणून राष्ट्रवादी काँग्रेस पक्षातर्फे साजरा करण्यात आला आहे. धुळे शहरातील महात्मा गांधी पुतळ्याजवळ तसेच शिंदे व फडणवीस सरकारच्या विरोधात घोषणाबाजी करत आज गद्दार व खोके दिवस साजरा केला आहे.