धुळे : सार्वजनिक बांधकाम विभागाच्या कार्यकारी अभियंता महिला अधिकारी विरोधात कर्मचारी आक्रमक झाले आहेत. संबंधीत अधिकाऱ्यास (Dhule News) सक्तीच्या रजेवर पाठविण्याची मागणी करत लेखणी बंद आंदोलन पुकारले आहे. (Breaking Marathi News)

सार्वजनिक बांधकाम विभागाच्या (PWD) कार्यकारी अभियंता वर्षा घुगरी या महिला अधिकारी विरोधात कर्मचारी आक्रमक झाले आहेत. या महिला अधिकाऱ्यास सक्तीच्या रजेवर पाठवावे या मागणीसाठी कर्मचारी व अधिकाऱ्यांनी काळ्याफिती लावून लेखणी बंद आंदोलन पुकारले आहे.

अधिकारी विरोधात घोषणाबाजी

सार्वजनिक बांधकाम विभागाच्या वरिष्ठ अधिकाऱ्यांना या संदर्भात निवेदन देखील देण्यात आले आहे. त्याचबरोबर जिल्हाधिकाऱ्यांना देखील निवेदन देण्यात आले आहे. तसेच जिल्हाधिकारी कार्यालयाबाहेर या सर्व आक्रमक झालेल्या कर्मचाऱ्यांनी संबंधित अधिकाऱ्या विरोधामध्ये घोषणाबाजी करून तीव्र निषेध व्यक्त केला आहे. जोपर्यंत संबंधित महिला अधिकारीस सक्तीच्या रजेवर पाठवणार नाही; तोपर्यंत लेखणी बंद आंदोलन सुरूच ठेवणार असल्याचे संबंधित कर्मचारी व अधिकाऱ्यांनी स्पष्ट केले आहे.