धुळे : तरुणाई नशेच्या जाळ्यात अडकत असून धुळ्यात नशेचा खुलेआम बाजार नशेच्या सौदागरांकडून भरवला जात आहे. यामुळे (Dhule) धुळ्यातील तरुण वर्ग या नशेच्या पदार्थांच्या चांगलाच आहारी गेल्याचे दिसून येत आहे. त्यामुळे धुळ्यातील (Dhule News) गुन्हेगारी देखील मोठ्या प्रमाणात वाढली आहे. (Letest Marathi News)

धुळ्यात विविध औषधांचा त्याचबरोबर इतर शालेय साहित्यांचा उपयोग (Crime News) नशेसाठी सर्रासपणे केला जात आहे. विशेष म्हणजे ही नशा करण्यासाठी तरुण वर्गाचा मोठ्या प्रमाणात सहभाग असल्याचे पोलीस (Police) तपासात उघडकीस आले आहे,

नशेसाठी औषधांच्‍या बाटल्‍यांचा वापर

धुळ्यात गेल्या काही महिन्यांमध्ये विविध औषधांच्या बाटल्या या नशेसाठी अवैधपणे विक्री केल्या जात असल्याचे पोलीस तपासात निष्पन्न झाले आहे. या विरोधात धुळे पोलिसांनी धडक कारवाई करत मोठ्या प्रमाणात औषधांच्या बाटलांचा साठा देखील जप्त केला असून या नशेचा बाजार मांडणाऱ्या आरोपींच्या मुसक्या देखील आवळल्या आहेत.

गुन्‍हेगारी वाढली

नशा करून नशेखोर तरुण मागचा पुढचा काहीच विचार न करता चोरी, खून, दरोडा, जबरी लूट अशा विविध गुन्ह्यांमध्ये अडकत चालले आहेत. ही नशा समाजासह या तरुणांच्या शरीराला देखील घातक ठरत असल्याचा अंदाज वैद्यकीय क्षेत्रातील जाणकारांनी व्यक्त केला आहे.