धुळे : धुळे शहरातील कुमारनगरात सोमवारी (२२ मे) दुपारी महिलेवर मेहुण्याने चाकूहल्ला केला. त्यात महिलेला जबर (Dhule News) दुखापत झाली. नंतर तिचा मृत्यू झाला असावा; या भीतीतून मेहुण्याने घरी जात गळफास घेऊन आत्महत्या केली. जखमी महिलेला (Hospital) रुग्णालयात दाखल करण्यात आले असून, रात्री उशिरापर्यंत गुन्हा दाखल करण्याचे काम सुरू होते. (Maharashtra News)

हरीश आसिजा असे मृत मेहुण्याचे नाव समोर येत आहे. घटनेमागचे नेमके कारणाचा पोलिस शोध घेत आहेत. संबंधित महिला गंभीर जखमी झाली. तिच्यावरील हल्ल्यानंतर मेहुणा पसार झाला. घटनास्थळी नागरिकांनी मोठी गर्दी केली. शहराचे पोलिस निरीक्षक आनंद कोकरे यांनी पथकासह घटनास्थळी धाव घेतली. पोलिसांनी मेहुण्याचा शोध सुरू केला.

पोलिस घरी पोहचले अन्‌

पोलिस शोध घेत त्‍याच्‍या घरी पोहचले. यावेळी तो त्याच्या घरी गळफास घेतलेल्या अवस्थेत आढळला. चाकूहल्ला केल्यानंतर ती महिला मृत झाली असावी, या भीतीने त्याने टोकाचे पाऊल उचलल्याचे सांगण्यात आले.