धुळे : धुळे महानगरपालिकेच्या वाढीव घरपट्टी धोरणा विरोधामध्ये अखिल भारतीय जेष्ठ नागरिक (Dhule News) महासंघ संघटनेचे पदाधिकारी व ज्येष्ठ नागरिक पालिका प्रशासनाच्या विरोधात आक्रमक झाल्याचे बघावयास मिळाले आहे. महापालिका (Dhule Corporation) प्रशासनाच्‍या विरोधात आंदोलन करत याचा निषेध केला आहे. (Maharashtra News)

धुळे महानगरपालिकेत सध्या मनमानी कारभार सुरू असल्याचा आरोप लावत नागरिकांना विश्वासात न घेता तसेच कुठल्याही प्रकारची पूर्वसूचना न देता हा सुलतानी निर्णय लादला. असा आरोप या संतप्त ज्येष्ठ नागरिकांनी लावला आहे. पालिका प्रशासनाने निर्णय बदलला नाही, तर मुख्यमंत्र्यांपर्यंत आंदोलन नेण्याचा इशारा यावेळी या संतप्त ज्येष्ठ नागरिकांनी मालिका प्रशासनाला दिला आहे.

धुळे महापालिका प्रशासनाची मनमानी सुरू असल्याचा आरोप यावेळी संघटनेच्यावतीने ज्येष्ठ नागरिकांनी लावला. या विरोधात पालिका इमारतीच्या प्रवेशद्वाराच्या पायऱ्यांवर उभे राहून या संतप्त ज्येष्ठ नागरिकांनी पालिका प्रशासनाच्या विरोधात घोषणाबाजी करून निषेध व्यक्त केला आहे.