धुळे : प्रहार टोल कामगार संघटनेच्यावतीने आज धुळे (Dhule News) जिल्हाधिकाऱ्यांना टोल कामगारांना कामगार कायद्यानुसार वेतन वाढ मिळणे आवश्यक आहे. याबाबत निवेदन देत टोल (Toll) प्रशासनाचा निषेध केला. (Live Marathi News)

सोनगीर व शिरपूर टोल कामगारांना वेतन वाढ दिली जात नसल्याचा आरोप प्रहार टोल कामगार संघटनेने केला आहे. या संदर्भात जिल्हा प्रशासनाने दखल घ्यावी; अशी मागणी करण्यात आली आहे. या संदर्भात संघटनेच्या वतीने जिल्हाधिकाऱ्यांना निवेदन देखील देण्यात आले असून टोल प्रशासनाच्या कामगार विरोधी धोरणा विरोधामध्ये आक्रमक होत संघटनेच्या वतीने जिल्हाधिकारी कार्यालयाबाहेर तीव्र निषेध व्यक्त करण्यात आला आहे.

तर जनआंदोलन छेडणार

प्रहार ढोल कामगार संघटनेच्या वतीने करण्यात आलेल्या मागण्यांचा टोल प्रशासनातर्फे सकारात्मक विचार करावा. असे न केल्यास जनआंदोलन छेडण्याचा इशारा संघटनेच्या वतीने टोल प्रशासनाला देण्यात आला आहे.