धुळे : रस्‍त्‍यांची झालेली खराब अवस्‍थेमुळे अपघाताचे सत्र कायम आहे. रस्‍त्‍यांवरील खड्ड्यांमुळे दुचाकी चालकांना गाडी चालविता येत नाही. मात्र महामार्गावरील खड्ड्यांमुळे भरधाव वेगाने जाणार ट्रक पलटी झाल्‍याची घटना सुरत– नागपूर महामार्गावर घडली. (dhule-news-accident-news-surat-nagpur-highway-truck-accident)

धुळे तालुक्यातील नेर गावाजवळ सुरत– नागपूर महामार्गावर ट्रक (क्र. जीजे. ३६. व्‍ही. ०३३३) हा ट्रक पलटी झल्याची घटना घडली आहे. या अपघातात सुदैवाने कुठल्याही प्रकारची जीवित हानी झाली नाही. परंतु या अपघातात ट्रकचे मोठ्या प्रमाणात नुकसान झाले आहे. अपघातग्रस्त ट्रकमध्ये प्लास्टिक पेपर व कोरा पेपर भरलेले होते. अपघाताची माहिती मिळताच पोलीस घटनास्थळी दाखल झाले असून तात्काळ पुढील बचावकार्य करण्यात आले.

समोरून वाहन अन् खड्डे चुकविताना पलटी

ट्रक गुजरात राज्यातून धुळ्याकडे जात असताना हा अपघात घडला आहे. तसेच समोरच्या वाहन चालकाने हुलकावणी देत खड्डे टाळण्याचा प्रयत्न करत असतांना वाहनवरील ताबा सुटून ट्रक रस्त्याच्या कडेला जाऊन पलटी झाला आहे. रस्त्यात मोठ्या प्रमाणात खड्ड्यांचे साम्राज्य बघावयास मिळत असून या घाड्यांमुळे वाहनांचे अपघाताचे प्रमाण देखील वाढले आहे.