धुळे : गेल्या काही दिवसांमध्ये रस्ता लुटीच्या घटनांमध्ये वाढ झाली आहे. याच दरम्यान सोमवारी (२७ नोव्हेंबर) संध्याकाळी (Dhule) धुळे शहरापासून काही किलोमीटर अंतरावर रास्ता लुटीची घटना घडली आहे. यात दुचाकी (Crime News) अडवून तब्बल ७ लाख रुपये लुटून फरार झाले. (Live Marathi News)

धुळे शहरापासून जवळ असलेल्या आर्वी परिसरात मुंबई- आग्रा महामार्गावर हा प्रकार घडला आहे. २७ नोव्हेंबरला सायंकाळी अंधार पडल्यानंतर रहदारीच्या रस्त्यात लूटमार झाली. महामार्गावरून जाणाऱ्या दुचाकी वाहनधारकांच्या मागून दुचाकीने दोघे आले. त्या दोघा चोरट्यांनी दुचाकी आडवी लावून गाडी अडविली. यानंतर चोरट्यांनी रस्त्यात आडवुन बेदम मारहाण करीत त्याकडील असलेल्या बॅगेतील सात लाख रुपये घेऊन चोरट्यांनी पोबारा केल्याची घटना उघडकीस आली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांकडून शोध सुरु 
मुंबई- आग्रा महामार्गावर घडलेल्या या घटनेनंतर धुळे तालुका पोलीस ठाण्यात गुन्हा दाखल करण्यात आला. या गुन्ह्या संदर्भात धुळे तालुका पोलिसांतर्फे लूट करणाऱ्या चोरट्यांचा कसून शोध घेतला जात आहे. लवकरात लवकर या चोरट्यांच्या मुसक्या आवरल्या जातील; असा विश्वास पोलीस निरीक्षक प्रमोद पाटील यांनी व्यक्त केला आहे.