धुळे : शासनाने बंदी केली असताना देखील प्लॅस्टिक वापर केला जात आहे. याच दरम्यान प्लॅस्टिक गोडाऊनमध्ये आढळल्याने (Dhule) धुळे महापालिकेच्या पथकाने दोन व्यापाऱ्यांकडून ३५ हजार रुपयांचा दंड वसूल केला. या कारवाईत दोन टन प्लॅस्टिक देखील जप्त केले आहे. (Live marathi News)

धुळे महापालिकेच्या (Dhule Corporation) पथकाकडून अधूनमधून प्लॅस्टिक बंदीबाबत कारवाया होतात. मात्र, यातून प्लॅस्टिक विक्री, वापराला लगाम लागत नसल्याचे चित्र पाहायला मिळते. विक्री, वापरही होत असल्याचे दिसते. (Plastic Ban) बाजारात आज कोणत्याही छोट्या-मोठ्या विक्रेत्याकडून ग्राहकांना प्लॅस्टिक कॅरिबॅग सहज उपलब्ध केली जाते. त्यामुळे अशा कारवाईतून काही साध्य होत नसल्याचेच दिसते.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दंडाची रक्कमही केली वसूल  

धुळे महापालिका आयुक्त तथा प्रशासक अमिता दगडे- पाटील, यांच्या आदेशाने महापालिकेचे पथक २१ फेब्रुवारीला शहरातील चाळीसगाव रोड परिसरातील एका प्लॅस्टिक गोडाऊनमध्ये गेले. या गोडाऊनमध्ये दोन टन प्लॅस्टिक आढळून आले. या प्रकरणी पथकाने सतीश राधेश्याम सिंधी यांना २५ हजार रुपये, तर प्रकाशभाई सिंधी यांना दहा हजार रुपये असा एकूण ३५ हजार रुपये दंड केला. दंडाची ही रक्कम पथकाने संबंधित व्यापाऱ्यांकडून वसूल केली.