धुळे : धुळे शहरातील देवपूर पोलीस ठाण्याच्या हद्दीत भर रस्त्यामध्ये जबरी लूट झाल्याची घटना घडली होती. पोलीस या चोरट्यांच्या मागावर असताना लूट करणाऱ्या टोळीच्या आझाद नगर पोलिसांनी मुसक्या आवळल्या आहेत. तसेच त्यांच्याकडून मुद्देमाल देखील हस्तगत केला आहे. 

धुळे (Dhule) शहरातील आझाद नगर व देवपूर पोलीस ठाण्याच्या हद्दीत दोन वेगवेगळ्या ठिकाणी जबरी लूट करून हल्ला करण्याच्या घटना उघडकीस आल्या होत्या. यामध्ये देवपूर पोलीस ठाण्यात व आझाद नगर (Police) पोलीस ठाण्यात तक्रार दाखल करण्यात आली होती. यानंतर आझाद नगर पोलीस अधिकाऱ्यांनी तपासाची चक्रे फिरवली असता या जबरी चोरी करणाऱ्या टोळीतील चौघांच्या मुसक्या आझाद नगर पोलिसांनी आवळल्या आहेत. यामध्ये एका विधी संघर्षित बालकाचा देखील समावेश असून या विधी संघर्षित बालकाची रिमांड होम मध्ये रवानगी करण्यात (Crime News) आली आहे. 

मुद्देमाल केला हस्तगत 
पोलिसांनी ताब्यात घेतलेल्या चोरट्यांकडून त्यांनी या दोन्ही घटनांमध्ये लुटलेला मुद्देमाल देखील पोलिसांनी हस्तगत केला आहे. तसेच या चोरट्यांनी आणखी यासारखा प्रकार करून कुठे लूट केली आहे का? याचा देखील पुढील तपास आझाद नगर पोलीस करीत आहेत.