धुळे : धुळ्यात पाणी प्रश्न चांगलाच पेटल्याच्या बघायला मिळाले. जवळपास दहा ते बारा दिवस उलटून देखील पिण्याचे पाणी मिळत नसल्यामुळे पालिका प्रशासनाचा निषेध करण्यासाठी शिवसेनेच्यावतीने (Shiv Sena) धुळे महानगरपालिकेवर थेट मटका फोडो आंदोलन करण्यात आले आहे, (Dhule Corporation News)

धुळे (Dhule) जिल्ह्यातील जवळपास सर्वच प्रकल्प पावसामध्ये (Rain) तुडुंब भरलेले असताना भर पावसाळ्यामध्ये धुळेकरांना मात्र दहा ते बारा दिवस पिण्याच्या पाण्यासाठी प्रतीक्षा करावी लागत आहे. यामुळे (Dhule Corporation) पालिका प्रशासनाचा ढिसाळ कारभार विरोधामध्ये शिवसेनेच्यावतीने थेट धुळे महानगरपालिकेवरच मटकी फोडा मोर्चा काढण्यात आला.

धुळे महानगरपालिका प्रवेशद्वारावर असलेल्या पायऱ्यांवरच शिवसेनेच्या वतीने पदाधिकाऱ्यांनी व कार्यकर्त्यांनी महानगरपालिका प्रशासनाचा घोषणाबाजी करून तीव्र निषेध व्यक्त केला आहे, यावेळी धुळे महानगरपालिकेच्या प्रवेशद्वारावरच पायऱ्यांवर मडके देखील फोडण्यात आले आहेत.