धुळे : साक्री तालुक्यात सुरत बायपास रस्त्यावर ट्रक व क्रूझरचा अपघात झाला. या (Accident) अपघातात सोलर प्लेटने भरलेल्या ट्रकने तात्काळ पेट घेतला. समोरासमोर झालेल्‍या धडकेत (Dhule) क्रूझरचा चक्‍काचूर झाला आहे. (Tajya Batmya)
धुळे जिल्‍ह्यातील शिरपूर भरधाव कंटेनर अनियंत्रीत होवून झालेल्‍या अपघातात दहा जणांचा मृत्‍यू झाला. ही घटना कालच घडली असताना आज धुळे शहरालगत क्रुझर व ट्रकचा अपघात झाला. सुरत बायपास रस्त्यावर विरुद्ध बाजूने क्रुझर भरधाव वेगाने आल्याने ट्रक व क्रुझरमध्ये समोरासमोर धडक झाली. या अपघाता दरम्यान गुजरातकडून येणारा ट्रकने तात्काळ पेट घेतला तर क्रुझर कारचा देखील चेंदामेंदा झाला आहे.
तीन जखमी
अपघातामध्ये तीन जण जखमी झाले असून त्यांना शासकीय रुग्णालयात तात्काळ उपचारासाठी दाखल करण्यात आले आहे. येथे तात्काळ बचाव कार्य झाल्याने मोठी जीवित हानी टळली आहे. मात्र महामार्गावरील अपघातांचे सत्र कायम असल्याचे या अपघातातून दिसून येत आहे.