- बालाजी सुरवसे

महसूल अधिकारी आणि कर्मचारी यांच्यावर नियमबाह्य पद्धतीने कारवाई झाल्याने धाराशिव जिल्ह्यातील महसुल कर्मचाऱ्यांनी काम बंद आंदाेलन छेडले आहे. महसूल कर्मचा-यांनी पुकारलेल्या कामबंद आंदोलनामुळे गेल्या तीन दिवसांपासून सर्वसामान्यांची कामे खोळंबली आहेत.

धाराशिवचे तत्कालीन उपविभागीय अधिकारी डॉ. योगेश खरमाटे यांच्यासह तिघांविरुद्ध बनावट दस्तऐवज व जबाब तयार करुन पोलिस पाटील पदाला मुदतवाढ देण्याचा अहवाल दिल्याची तक्रार बरमगाव येथील गणेश जाधव यांनी आनंदनगर पोलिसांत दिली होती. त्यानुसार तिघांविरुद्ध फसवणूकीचा गुन्हा दाखल झाला आहे.

महसूल कर्मचारी संघटनेने दाखल केलेली गुन्ह्याची प्रक्रीया व अटक ही नियमबाह्य असल्याचा दावा केला आहे. चुकीच्या पध्दतीने पध्दतीने पोलिसांनी हे प्रकरण हाताळल्याचा आराेप हाेऊ लागला आहे. गेल्या तीन दिवसांपासून महसूल कर्मचा-यांनी काम बंद ठेवल्याने प्रशासकीय कामकाजासह नागरिकांच्या कामांचा खाेळंबा झाला आहे.

Edited By : Siddharth Latkar