बालाजी सुरवसे

धाराशिव : विधानसभा व राज्यात लोकसभेच्या जागा लढविणार. अमरावतीच्या जागेवर बच्चू कडू (Bachchu Kadu) यांनी दावा केला आहे. यामुळे आगामी काळात (Navneet Rana) खासदार नवनीत राणा व आमदार बच्चू कडू यांच्यातील राजकीय संघर्ष पेटण्याची चिन्ह आहेत. (Live Marathi News)

धाराशिवमध्ये आज दिव्यांग विभागातर्फे दिव्यांगाचा मेळावा घेण्यात आला. या मेळाव्यात आमदार बच्चू कडू यांची उपस्थिती होती. मेळाव्यानंतर माध्यमांशी बोलताना आमदार बच्चू कडू यांनी अमरावती लोकसभेच्या जागेवर दावा सांगितला आहे.

अमरावती लोकसभेच्या जागेवर दावा

प्रहार संघटनेचे प्रमुख आमदार बच्चू कडू आणि अमरावतीच्या खासदार नवनीत राणा यांच्यात गेल्या काही दिवसांपासून शीतयुद्ध पाहावयास मिळत आहे. आता प्रहार जनशक्ती पक्ष येत्या लोकसभेत अमरावतीची (Amravati) जागा लढवणार; असा दावा करत राज्यात लोकसभेच्या दोन तर विधानसभेच्या १५ जागा लढवणार असल्याचे आमदार कडू यांनी दावा केला आहे. यामुळे हा वाद आणखी वाढण्याची शक्यता आहे.