बालाजी सुरवसे 

धाराशिव : शिवसेना पक्ष असाच सहज फुटला नाही. एकनाथ शिंदे यांचा एक जवळचा माणुस ईडीने ताब्यात घेतला. त्यावेळी भाजपातुन शिंदे यांच्यवर दबाव दिला जात होता. शिवसेना पक्ष फोडुन येत की जेलामध्ये जात. त्यामुळेच एकनाथ शिंदे हे पक्ष फोडुन गेले; असल्याचे सांगत खासदार ओमराजे निंबाळकर यांनी मुख्यमंत्री एकनाथ शिंदे यांच्यावर निशाणा साधला आहे.

विधानसभा निवडणुकीत अर्ज भरल्यानंतर उमेदवारांकडून आता पराचाराला सुरवात झाली आहे. त्यानुसार धाराशिवमध्ये महाविकास आघाडीतील ठाकरे गटाचे उमेदवार कैलास पाटील यांच्या प्रचाराच्या शुभारंभ आज झाला. या प्रचाराच्या शुभारंभाप्रसंगी (Omraje Nimbalkar) खासदार निंबाळकर माध्यमांशी बोलत होते. त्यांनी यावेळी (Eknath Shinde) मुख्यमंत्री एकनाथ शिंदे व उपमुख्यमंत्री अजित पवार यांच्यावर देखील निशाणा साधला आहे. 

अजित पवार यांच्यावर निशाणा साधताना खासदार निंबाळदार म्हणाले, कि अजित पवार यांचा ७० हजार करोडचा घोटाळा काढला अन् अजित पवार सातव्याच दिवशी यांच्या मंञीमंडळात दाखल झाले. भाजपने कटकारस्थानी महाराष्ट्रातील राजकारण नासवुन टाकायचे काम केले. तसेच शेतकऱ्यांना देशोधडीला लावलय; अशी टिका खासदार ओमराजे निंबाळकर यांनी केली.