बालाजी सुरवसे 
धाराशिव : मराठा आरक्षणाच्या मागणीवरून धाराशिवमध्ये मराठा आंदोलक आक्रमक झाले आहेत. सांजा येथील (dharashiv News) ग्रामस्थ बैलगाड्या दुचाकीसह छत्रपती शिवाजी महाराज चौकात दाखल झाले असून चौकात चक्काजाम आंदोलनाला सुरवात केली आहे. तसेच धाराशिव शहर बेमुदत (Maratha Aarkshan) बंदची मराठा समाज बांधवाकडुन हाक देण्यात आली आहे. (Maharashtra News)

मराठा आरक्षणासाठी जरांगे पाटील यांनी पुन्हा एकदा उपोषण सुरु केले आहे. त्यानुसार मराठा आरक्षणाची अंमलबजावणी करुन जरांगे पाटील (Manoj Jarange Patil) यांचे उपोषण थांबवण्याची समाज बांधवांची मागणी केली आहे. धाराशिवमध्ये मराठा समाज आक्रमक झाला असुन धाराशिवच्या छत्रपती शिवाजी महाराज चौकात सकल मराठा समाजाच्या वतीने चक्काजाम आंदोलन सुरू करण्यात आले आहे. तर आंदोलकांनी बेमुदत धाराशिव (Maratha Reservation) शहर बंदची हाक दिली असुन सांजा येथील ग्रामस्थ बैलगाड्यांसह दुचाकी ताफा घेवुन शिवाजी महाराज चौकात दाखल झाले आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दुकाने केली बंद 

मराठा आरक्षणाची अंमलबजावणी करावी व मनोज जरांगे पाटील यांचे उपोषण थांबवण्यासाठी सरकारने तात्काळ पुढाकार घ्यावा; या मागणीसाठी मराठा समाज आक्रमक झाला आहे. शिवाजी महाराज चौकात अचानक सुरू केलेल्या चक्काजाम आंदोलनामुळे वाहतुकीचा खोळंबा झाला. तर चौक परीसरातील दुकाने देखील बंद करण्यात आली आहेत.