धाराशिवचे ठाकरेसेनेचे बंडखोर खासदार ओमराजे निंबाळकरांचं अखेर ठरलं. धाराशीवमध्ये रविवारी गोवर्धनवाडीतल्या बैठकीत त्यांनी मतदारसंघातील कार्यकर्त्यांसह पदाधिकाऱ्यांशी संवाद साधला. त्यानंतर ओमराजे निंबाळकरांचा शिंदेसेनेत जाण्याचा निर्णय पक्का झाल्याचं स्पष्ट झालंय. त्यामुळे ओमराजेंची समजूत काढणाऱ्या ठाकरेसेनेला मोठा धक्का बसलाय. एक-दोन दिवसांत निर्णय घेणार असल्याचं सांगत ओमराजेंनी शिंदेसेनेतील संभाव्य प्रवेशाबाबत आणखी सस्पेन्स वाढवला होता. मात्र, आता खुद्द ओमराजेंनी आपण शिंदेसेनेत जाणार असल्याचं जाहीर केलंय. दरम्यान उपमुख्यमंत्री एकनाथ शिंदेंनीही ऑपरेशन टायगरबाबत सूचक वक्तव्य केलंय.

खरंतर, खासदार ओमराजे निंबाळकरांच्या मनधरणीचे प्रयत्न ठाकरेसेनेकडून करण्यात आले होते. ऑपरेशन टायगर फेल करण्यासाठी उद्धव ठाकरेंनी रात्रीत एक मोठी चाल खेळली होती. इतकंच नव्हे तर ओमराजेंची समजूत काढण्यासाठी ठाकरेंनी धाराशीवचे आमदार कैलास पाटील आणि मुंबईतील आमदार वरुण सरदेसाई यांना पाठवलं होतं. या दोन्ही नेत्यांनी ओमराजेंची भेटदेखील घेतली होती.

खरंतर, खासदार ओमराजे निंबाळकरांच्या मनधरणीचे प्रयत्न ठाकरेसेनेकडून करण्यात आले होते. ऑपरेशन टायगर फेल करण्यासाठी उद्धव ठाकरेंनी रात्रीत एक मोठी चाल खेळली होती. इतकंच नव्हे तर ओमराजेंची समजूत काढण्यासाठी ठाकरेंनी धाराशीवचे आमदार कैलास पाटील आणि मुंबईतील आमदार वरुण सरदेसाई यांना पाठवलं होतं. या दोन्ही नेत्यांनी ओमराजेंची भेटदेखील घेतली होती.

खरंतर, पवनराजे हत्याप्रकरणाचा निकाल लागल्यापासून उद्धव ठाकरे हे खासदार ओमराजे निंबाळकरांच्या संपर्कात असल्याची माहिती सूत्रांनी दिली होती. तसेच ओमराजे मातोश्रीवर येऊन उद्धव यांची भेट घेणार असल्याचीही चर्चा होती. दुसरीकडे ठाकरेसेनेचे खासदार संजय राऊतांनीही ओमराजेंसोबत चर्चा करण्याची तयारी दर्शवत बंडखोर खासदारांबाबत मोठा दावादेखील केला होता. मात्र, आता ओमराजेंनी अखेर आपला निर्णय जाहीर करत शिंदेसेनेतील पक्षप्रवेशासंदर्भातील चर्चांवर अखेर पडदा टाकलाय. यामुळे उर्वरीत पाच खासदारांची धाकधुकही थांबली आहे. कारण ऑपरेशन टायगर यशस्वी होण्याची चिन्हे आहेत.