परळीतील धनंजय मुंडेंच्या प्रचारसभेतील याचं विधानानं राज्यातील राजकीय वातावरण चांगलचं तापलयं...ज्या कराडमुळेच मुंडेंचं मंत्रिपद गेलं. त्याच कराडची मुंडेंनी पुन्हा आठवण काढल्याने एकच खळबळ उडालीय...मुंडे नेमकं काय म्हणाले ऐका...

दुसरीकडे हत्या प्रकरणातील आरोपी असणाऱ्या कराडची आठवण काढल्यानं मुंडे माणूस म्हण्याच्या योग्यतेचे नाहीत, असा प्रहार दमानियांनी केलाय... तर जरांगेंनीही मुंडेविरोधात आक्रमक पवित्रा घेतलाय..

महिन्याभरापूर्वी पंकजा मुंडेंच्या मेळाव्यात वाल्मिक कराडचे पोस्टर झळकल्यानं मुंडेंच्या मेळाव्यात कराडचं समर्थन करणारे नेमके कोण आहेत? असा सवाल निर्माण झाला होता... मात्र धनंजय मुंडेंनी प्रचार सभेत वाल्मिक कराडची उणीव भासत असल्याचं सूचक विधान केल्यानं आता वाद निर्माण झालाय...

मंत्रीपदाचा राजीनामा देण्याआधी कराडशी संबंध नसल्याचं सांगणाऱ्या मुंडेंनी प्रचारसभेत नेमकं कोणत्या उद्देशानं कराडची आठवण काढली? संतोष देशमुख हत्या प्रकरणाचा खटला सुरु असताना मुंडेंच्या या विधानानं त्याच्या अडचणी आणखी वाढणार का? हे पाहणं महत्त्वाचं ठरणार आहे.