बारामती: राज्याचे उपमुख्यमंत्री अजित पवार यांच्या विरोधात फेसबुकवर बदनामीकारक लिखाण केल्याबद्दल वडगाव निंबाळकर पोलिसात गुन्हा दाखल करण्यात आला आहे. याबाबत नितीन संजय यादव यांनी पोलिसांत तक्रार दाखल केली होती. यावरुन वडगाव निंबाळकर पोलिसांनी फेसबुक अकाउंट धारकांवर आणि 15 जणांविरोधात गुन्हा दाखल केला आहे (Defamatory post on Facebook against Ajit Pawar FIR In Wadgaon Nimbalkar Police).

16 आणि 17 मार्चला फेसबुकवर केंद्र सरकारने द कश्मीर फाईल्स करमुक्त करावा, अजित पवार (Ajit Pawar), अशा फेसबुकवरील बातमीच्या पोस्टवर यातील आरोपी यांनी, महाराष्ट्र राज्याचे उपमुख्यमंत्री, बारामती विधानसभा मतदार संघाचे आमदार अजित पवार यांना अब्रुनुकसान कारक आहेत.

हे माहित असताना वर नमुद सर्व फेसबुक (Facebook) अकाउंट धारक व्यक्तींनी महाराष्ट्र राज्याचे उपमुख्यमंत्री अजित पवार यांचे बाबत अश्लील आक्षेपार्ह बदनामीकारक शिवीगाळ करणाऱ्या कमेंट फेसबुक या सार्वजनिक समाज माध्यमावर पोस्ट केल्या आहेत. म्हणून वरील सर्व फेसबुक अकाउंट धारक इसमांविरुध्द माझी तक्रार आहे. वगैरे मजकुराची तक्रार करंजेपुल दुरक्षेत्रावरुन आलेने गुन्हा रजी दाखल करुन दाखल केला आहे. गुन्ह्याचा पुढील तपास पोसई योगेश शेलार हे करीत आहेत.

Edited By - Nupur Uppal