Gadchiroli Saam
महाराष्ट्र

Accident News: ट्रकच्या धडकेत तिघांचा जागीच मृत्यू; कारचा झाला चक्काचूर, परिसरात हळहळ

Gadchiroli Horror Accident: आष्टी–गडचिरोली राष्ट्रीय महामार्गावर चामोर्शी शहरातील ग्रामीण रुग्णालयासमोर एक भीषण अपघात झाला. यामध्ये तीघांचा जागीच मृत्यू झाला असून एकजण गंभीर जखमी झाला आहे.

Bhagyashree Kamble

गडचिरोलीत ट्रकने कारला जोरदार धडक दिल्यामुळे भीषण अपघात घडला आहे. या अपघातात तिघांचा मृत्यू तर, एक जण गंभीर जखमी झाल्याची माहिती समोर आली आहे. जखमीग्रस्त रूग्णावर रूग्णालयात उपचार सुरू आहेत. या भीषण अपघातानंतर कारचा चेंदामेंदा झाला असून, परिसरात हळहळ व्यक्त होत आहे.

मिळालेल्या माहितीनुसार, आष्टी–गडचिरोली या राष्ट्रीय महामार्गावर चामोर्शी शहरात भीषण अपघात घडला. कार राष्ट्रीय मार्गावरून जात असताना अचानक यू-टर्न घेतल्यामुळे मागून भरधाव वेगात येणाऱ्या मालवाहू ट्रकने जोरदार धडक दिली. या धडकेमुळे कार अक्षरशः चेंदामेंदा झाली.

या अपघातात तिघांचा जागीच मृत्यू झाला. तर, एक जण गंभीर जखमी असल्याची माहिती समोर आली आहे. या अपघातात विनोद पुंजाराम काटवे (वय वर्ष ४५), राजू सदाशिव नैताम (वय वर्ष ४५) आणि सुनील वैरागडे (वय वर्ष ५५) यांचा जागीच मृत्यू झाला. हे तिघेही गडचिरोली येथील रहिवासी असल्याची माहिती समोर आली आहे.

तर, अनिल मारोती सातपुते (वय वर्ष ५०) हे गंभीर जखमी झाले असून, त्यांना चामोर्शी ग्रामीण रुग्णालयातून गडचिरोली सामान्य रुग्णालयात हलवण्यात आले आहे. मिळालेल्या माहितीनुसार, चारही जण कारमधून कामानिमित्त आष्टीकडे जात होते. दरम्यान, कामावर पोहोचण्याआधीच त्यांच्या कारचा अपघात झाला. अपघात इतका भीषण होता की, कारचा चक्काचूर झाला आणि तिघांचा जागीच मृत्यू झाला.

पोलिसांना या अपघातासंदर्भात माहिती मिळताच त्यांनी घटनास्थळी धाव घेतली. पोलिसांकडून सध्या मालवाहू ट्रक चालकाचा शोध सुरू आहे. या घटनेनंतर परिसरात हळहळ व्यक्त होत आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

Vanraj Andekar Case: तोच महिना अन् आंदेकर टोळीने नाना पेठेतच आयुषचा गेम केला, पुण्यात रक्तरंजित थरार

HIV: एचआयव्हीच्या रुग्णांनी कोणत्या गोष्टी केल्या पाहिजेत?

SCROLL FOR NEXT