- बालाजी सुरवसे

Dharashiv News : धाराशिव जलसंपदाच्या 206 प्रकल्पात केवळ 10 टक्के जिवंत पाणीसाठा उपलब्ध आहे. परिणामी सर्व प्रकल्पातील पाणी हे केवळ पिण्याकरिता आरक्षित करण्याचे निर्देश जिल्हाधिका-यांनी दिले आहेत. (Maharashtra News)

जिल्हाधिकारी डॉ.सचिन ओंम्बासे (collector sachin ombase) यांनी भविष्यातील निर्माण होणारी पाणी टंचाईची अडचण लक्षात घेता हे निर्देश दिल्याचे सांगितले जात आहे. त्यामुळे प्रशासनाने आता पाणी केवळ पिण्यासाठी आरक्षित करण्याचा निर्णयावर अंमलबजावणी करण्याचे नियाेजन सुरु केले आहे.

या पाण्याचा इत्तरत्र कुठेही वापर होऊ नये यासाठी मंडळ निहाय भरारी पथके तैनात करण्यात आली आहेत. अनाधिकृत पाणी उपसा केल्यास भरारी पथकास संबंधिताचे उपसा करण्याचे मोटार संच जप्त करणे, दंड आकारणे, विद्युत पुरवठा खंडीत करणे व फौजदारी गुन्हा दाखल करण्याचे निर्देश देखील जिल्हाधिकारी यांनी दिलेत.

जिल्ह्यात कोणीही अनाधिकृत पाणी उपसा करू नये असे आवाहन जिल्हाधिकारी डॉ.सचिन ओंम्बासे यांनी केले आहे.

Edited By : Siddharth Latkar