नांदेड: महाराष्ट्रामध्ये (Maharashtra) गेल्या काही दिवसांपासून मागासवर्गीयांवर हल्ले होत असल्याच्या घटना घडताना समोर येत आहे. आता, नांदेडमध्ये (Nanded) एक धक्कादायक घटना उघडकीस आली आहे. जिल्ह्यामधील (district) अर्धापूर तालुक्यातील लहान गावात (village) महाविद्यालयीन (College) वादातून मागासवर्गीयांच्या वस्तीवर जमावाने हल्ला (Attack) केला आहे. जवळपास २०० ते ३०० लोकांच्या जमावाने हा हल्ला केला असल्याचे सांगितले जात आहे. (Crowd attack backward class settlement due college dispute)

पहा व्हिडिओ-

महाविद्यालयामधील अंतर्गत वादाचे पडसाद या वस्तीवर झाल्याची माहिती अतिरिक्त पोलीस (Police) अधीक्षक विजय काबाडे यांनी यावेळी दिली आहे. सोमवारी रात्री १०.३० वाजेच्या सुमारास हा हल्ला झाला आहे. हल्लेखोर जमावाने अनेक घरांवर तुफान दगडफेक (Stone throwing) करत तोडफोड केली आहे. शिवाय, वस्तीत महिला, वृद्ध, लहान मुले यांना देखील मारहाण (Beating) करण्यात आली आहे. गावातील महाविद्यालयीन तरुणांच्या भांडणाचे रूपांतर नंतर मागासवर्गीय वस्तीवर दगडफेक करण्यात आली आहे.

या हल्ल्यामुळे गावामध्ये भीतीचे वातावरण निर्माण झाले आहे. पोलिसांना (police) या घटनेची माहिती मिळताच त्यांनी घटनास्थळी धाव घेतली होती. सध्या परिस्थिती नियंत्रणात असल्याची माहिती पोलिसांनी दिली आहे. पोलिसांनी या हल्ल्या प्रकरणी हल्लेखोरांविरोधामध्ये विविध कलमान्वये गुन्हे दाखल करण्यात आले आहे. पोलीस या प्रकरणी अधिक तपास करत आहेत. दरम्यान, मराठवाड्यात (Marathwada) गेल्या काही दिवसांमध्ये सामाजिक भेदभाव, अत्याचाराच्या घटना समोर आले होते.

हिंगोली (Hingoli) जिल्ह्यात सावरखेडा गावामध्ये गायरान जमिनीवर निळा झेंडा लावल्याच्या कारणावरून अनुसूचित जातींच्या समाजावर संपूर्ण गावाने बहिष्कार टाकला आहे. गावात महिला सरपंचाचे दीर भागवत मुंडे यांनी एक जानेवारीत बैठक घेऊन संपूर्ण सवर्ण समाजाच्या वतीने दलितांवर बहिष्कार टाकण्याचा निर्णय घेण्यात आला होता. तेव्हापासून आजपर्यंत दलित समाजात नागरिकांना पिठाच्या गिरणीवर दळून दिले जात नाही. शिवाय किराणा दुकानदार बाजार देत नसल्याची तक्रार समोर आली आहे.

Edited By- Digambar Jadhav