Rohidas Gadage

Pune -Nashik Highway: पैशावरुन झालेल्या किरकोळ वादातून टुरिस्ट व्यावसायिकाचा खुन केल्याची धक्कादायक घटना उघडकीस आली आहे. विशेष म्हणजे टुरिस्ट व्यावसायिकाचा खून केल्यानंतर गॅरेज मालकाने स्वतःवरही वार करुन घेतल्याचा प्रकार घडला आहे. ही घटना पुणे नाशिक महामार्गावर आळेफाटा येथे घडली आहे. या धक्कादायक घटनेने परिसरात खळबळ माजली आहे. (Latest Marathi News)

याबाबत अधिक माहिती अशी की, पैशावरुन झालेल्या किरकोळ वादातून टुरिस्ट व्यावसायिकाचा खुन केल्याची धक्कादायक घटना उघडकीस आली आहे. विशेष म्हणजे टुरिस्ट व्यावसायिकाचा खून केल्यानंतर गॅरेज मालकाने स्वतःवरही वार करुन घेतल्याचा प्रकार घडला आहे.

संतोष गोडसे असे खुन झालेल्या व्यक्तीचे नाव आहे. तर मयुर सोमवंशी असे खुन केलेल्या गॅरेज मालकाचे नाव आहे. या प्रकरणात मयुर सोमवंशी या गँरेज मालकाला आळेफाटा पोलीसांनी ताब्यात घेतले आहे.

दरम्यान, या धक्कादायक घटनेनंतर परिसरात खळबळ माजली आहे. टुरिस्ट गाडीच्या कामाचे पैसे घेण्यावरुन झालेल्या वादात हा खुन झाल्याचा अंदाज पोलीसांकडुन व्यक्त करण्यात आला आहे. या प्रकरणी आळेफाटा पोलिस पुढील चौकशी करत आहेत. (Crime News)