Crime News In Kolhapur: कोल्हापूरातून एक मोठी बातमी समोर आली आहे. शहरातील एका कॅफेवर पोलिसांनी छापेमारी करत काही जोडप्यांना ताब्यात घेतलं आहे. अंधाऱ्या खोलीत हे जोडपे अश्लील चाळे करत असल्याने त्यांना ताब्यात घेण्यात आलं आहे. (Latest Marathi News)

मिळालेल्या अधिक माहितीनुसार, कोल्हापूर (Kolhapur) शहरात अश्लील चाळे सुरू असल्याची माहिती पोलिसांना मिळाली होती. त्यानंतर त्यांनी लगेचच आपल्या निर्भया पथकाला कॅफेवर पाठवले. निर्भया पथकाकडून कॅफेवर धाड टाकण्यात आली आहे.

निर्भया पथकातील पोलिसांनी एकून चार जोडप्यांना ताब्यात घेतलं आहे. ताब्यात घेतलेले महाविद्यालयीन विद्यार्थी आहेत. कॉलेजच्या नावाखाली बाहेर येऊन अंधाऱ्या खोलीत त्यांचे अश्लील चाळे सुरू होते. मिरजकर तिकटी, उमा टॉकीज चौक, हॉकी स्टेडियम, संभाजीनगर येथे ही छापेमारी झाली आहे.

आई वडील जिवाचं रान करून आपल्या मुलांना शिक्षण देतात. शाळा आणि पुढे महाविद्यालयीन शिक्षण मुलांना घेता यावे यासाठी मोठी मेहनत घेतात. आपल्या मुलांनी कॉलेजमध्ये जावे, शिकून अभ्यास करुन मोठे व्हावे असं प्रत्येक पालकांना वाटतं. मात्र काही मुलं-मुली कॉलेजच्या नावाखाली अशा प्रकारे घरच्यांची फसवणूक करतात. सदर घटनेनं परिसरात एकच खळबळ उडाली आहे.