नागपूर : नागपूरात कोरोनाच्या भीतीनं कोर्ट मॅरेज चा ट्रेंड वाढतोय. कोरोनाची भीती, कारवाईचा बडगा, खर्च या सर्वांवर पर्याय म्हणून नागपुरातील (Nagpur) विवाह इच्छुक तरुण-तरुणी कोर्ट मॅरेज (Court Marriage) हा पर्याय निवडत आहेत. त्यामुळंच नागपूरच्या विवाह नोंदणी कार्यालयात विवाह इच्छुक तरुण-तरुणींची गर्दी दिवसेंदिवस वाढत आहे.

हे देखील पहा :

गेल्या 20 दिवसांत अडीचशे हुन अधिक जोडप्यांनी कोर्ट मॅरेज करत शॉर्टकट लग्न (Marriage) उरकलंय. नागपूरात कोरोना रुग्णांची संख्या झपाट्यानं वाढते आहे. कोरोना (Corona) बाधितांचा आकडा साडेचार हजारांवर गेलाय. राज्य सरकारनं अनेक निर्बंध कडक केलेत. लग्नात 50 जणांनाच परवानगी आहे. त्यावर लोकं वाढले तर महापालिका कारवाई करून दंड वसूल करते.

लग्नाला आलेल्या कुणी कोरोना बाधित (Corona Positive) असेल तर इतरांनाही बाधा होण्याची भीती असते. त्यामुळं कोर्ट मॅरेज केले तर कोरोनापासून बचाव करता येतो आणि खर्चातही बचत होते, त्यामुळं अनेक तरुण तरुणी या कोर्ट मॅरेज चा पर्याय निवडत आहेत.

Edited By : Krushnarav Sathe