राष्ट्रवादी काँग्रेस शरद पवार गटाचे सर्वेसर्वा शरद पवार यांच्यानंतर आता काँग्रेसचे खासदार राहुल गांधी हे देखील आषाढी वारीमध्ये सहभागी होण्याची शक्यता व्यक्त केली जात आहे. राहुल गांधी आषाढी एकादशीच्या दिवशी पंढरपूरला येऊन विठूरायाचे दर्शन घेण्याची शक्यता व्यक्त केली जात आहे. दिल्लीतील काँग्रेस कार्यालयाकडून विठ्ठल मंदिर प्रशासनाकडे विचारणा करण्यात आल्याचे सांगितले जात आहे.

राहुल गांधी १३ किंवा १४ जुलै रोजी आषाढी एकादशीच्या आधी विठुरायाचे दर्शन घेण्याची शक्यता आहे. राहुल गांधी आषाढी वारीमध्ये सहभागी होणार असल्यामुळे आता राजकीय वर्तुळात चर्चांना उधाण आले आहे. आगामी विधानसभा निवडणुकीच्या पार्श्वभूमीवर राहुल गांधी जर आषाढी वारीमध्ये सहभागी झाले तर या निवडणुकीमध्ये काँग्रेसला चांगला फायदा होण्याची शक्यता व्यक्त केली जात आहे. याच निमित्ताने आता आषाढी वारीची देशपातळीवर चर्चा होताना दिसत आहे.