Rahul Gandhi News : सूरत न्यायालयाने काॅंग्रेस नेते राहुल गांधींना (Rahul Gandhi) दोन वर्षांची शिक्षा सुनावली. या निकालानंतर आज (शुक्रवार) राहूल गांधी यांची खासदारकी रद्द करण्यात आली आहे. लोकसभा सचिवालयाने या संदर्भात आज एक अधिसूचना जारी केली. दरम्यान या निर्णयाचा निषेध देशभरातील काॅंग्रेस नेत्यांसह कार्यकर्ते करु लागले आहेत. (Breaking Marathi News)

काॅंग्रेसचे ज्येष्ठ नेते आणि महाराष्ट्राचे माजी मुख्यमंत्री पृथ्वीराज चव्हाण (Prithviraj Chavan) यांनी ट्विट करुन या कारवाईचा निषेध व्यक्त केला आहे. हे सुडाचं राजकारण आहे. माेदी राहूल गांधींना किती घाबरलेत हे यावरुन दिसत आहे असेही आमदार चव्हाण यांनी म्हटलं आहे.

माेदी हे राहूल गांधींच्या लाेकप्रियतेला घाबरले आहेत. ही अघाेषित आणीबाणी आणण्याचा प्रयत्न आहे अशी टीका आमदार पृथ्वीराज चव्हाण यांनी ट्विटच्या माध्यमातून पंतप्रधान नरेंद्र माेदी यांच्या सरकारवर केली आहे.

भारत जोडो यात्रेनंतर राहुल गांधींना, काँग्रेसला देशात प्रतिसाद वाढत असल्याचे दिसून आले. तसेच महागाई, बरोजगारीमुळे मोंदीवरोधात वातावरण निर्मिती होत आहे. संसदेतील गांधींचा आवाज बंद करण्यासाठी ही शिक्षा झाली आहे असेही चव्हाण यांनी नमूद केले.

आमदार पृथ्वीराज चव्हाण यांनी राहूल गांधी यांची खासदारकी रद्द करण्याचा भाजपचा प्रयत्न अनेक वर्षांपासूनचा आहे. त्याच अनुषंगाने कर्नाटकमधील जुने भाषण उकरून (Rahul Gandhi Controversial Speech) काढून ही कारवाई केली गेली असे नमूद केले.

Edited By : Siddharth Latkar