Nana Patole News : राज्यातील बहुतांश कृषी उत्तपन्न बाजार समितीत ( Market Committee Election Results) महाविकास आघाडीने सत्ता काबीज केली आहे तर काही ठिकाणी सत्तेकडे वाटचाल सुरु ठेवली आहे. यंदाच्या आत्तापर्यंतच्या निवडणूकीच्या निकालावर काॅंग्रेसचे प्रदेशाध्यक्ष नाना पटाेले (nana patole) यांनी हा विजय म्हणजे लाेकांचा भाजप पक्षावरील राग आहे असे मत व्यक्त केले. भाजप (bjp) हा शेतकरी विरोधी आहे, महागाईच्या माध्यमातून जगणे मुश्किल करून ठेवल्याने शेतक-यांनी त्यांची जागा त्यांना दाखवून दिल्याचे पटाेलेंनी नमूद केले. (Breaking Marathi News)

नाना पटाेले म्हणाले देशात भाजपच्या विरोधात लाट आहे. त्यामुळेच भाजप विरोधातील चित्र आज बाजार समितीच्या निवडणुकीच्या निकालात दिसून येत आहे. काही ठिकाणी संमिश्र चित्र पाहायला मिळत आहे. परंतु संपुर्ण राज्याचे बाेलायचे झाले तर बाजार समितीच्या निवडणुकीत मविआची ताकद दिसून आली आहे. शेतक-यांचा प्रचंड राग सत्ताधा-यांबाबत आहे. त्यामुळेच भाजपला त्यांची जागा मतदारांनी दाखवून दिली आहे.

सरकारने बारसूतील लाेकांशी चर्चा करावी

बारसू प्रकल्पाविषयी बाेलताना पटाेले म्हणाले कोकणातला माणूस निसर्गप्रेमी आहे, भलेही ताे बाहेर नोकरी करत असतील तरी सणांना आपल्या घरी परत येतात. बारसूत लोकांचा विरोध का आहे याबाबत स्थानिकांशी सरकारने चर्चा करायला हवी. सरकारच्या बगलबच्च्यांनी जमिनी घेऊन ठेवल्या आहेत.

या जमिनीला जास्त भाव मिळावा म्हणून प्रकल्प रेटून नेणे उचित नाही. या सर्व जमिनी परप्रांतियांनी घेतल्या आहेत. विदर्भातील प्रकल्प गुजरातला नेले, पण रिफायनरीचा प्रकल्प कोकणातच व्हावा यासाठी हे सरकार आग्रही का आहे ? असा सवाल पटाेलेंनी केला.

Edited By : Siddharth Latkar