वाशिम : वाशिम विधानसभा मतदार संघाचे काँग्रेसचे माजी आमदार तथा महात्मा फुले मागासवर्ग आर्थिक विकास महामंडळाचे माजी अध्यक्ष सुरेश इंगळे suresh ingle यांचे गुरुवारी रात्री उशिरा अल्पशा आजाराने निधन झाले. त्यांच्या निधनाने काॅंग्रेस congress पक्षात माेठी पाेकळी निर्माण झाल्याची भावना कार्यकर्त्यांनी व्यक्त केली.

श्री. इंगळे यांच्यावर अकोला येथील आयकॉन या खासगी रुग्णालयात उपचार सुरू होते. दरम्यान त्यांची रात्री उशिरा प्राणजोत मालवली. त्यांच्या जाण्याने जिल्ह्यातील एक लोकनेता गेल्याने जिल्हा काँग्रेसमध्ये पोकळी निर्माण झाली आहे.

त्यांच्यामागे मोठा परिवार आहे. त्यांच्यावर स्थानिक मोक्षधाम येथे दुपारनंतर अंत्यसंस्कार करण्यात येणार आहेत अशी माहिती निकटवर्तीयांनी दिली.

Edited By : Siddharth Latkar