Nagpur News: नागपूरच्या प्रसिद्ध महाराजबाग प्राणिसंग्रहालयातील वाघाच्या पिंजऱ्यात कोब्रा नाग शिरल्याचा घटना समोर आली आहे. प्राणिसंग्रहालयात भेट देणाऱ्या एका पर्यटकानं हा व्हिडीओ काढला. त्यानंतर काही वेळातच या सापाला पिंजऱ्यातून बाहेर काढण्यात आले. पर्यटनासाठी आलेल्या सतर्क नागरिकामुळे वाघाच्या जीवावरील धोका टळला.

दरम्यान, याआधीही अशीच एक घटना घडल्यामुळे एका वाघिणीला आपला जीव गमावावा लागला होता. पाच वर्षांपूर्वी जाई नावाच्या वाघिणीला सापाने दंश केला होता. त्यानंतर तिची प्रकृती खालावून किडन्या फेल झाल्या होत्या आणि नंतर उपचारादरम्यान तिचा मृत्यू झाला होता. (Nagpur News)

पाच वर्षांपूर्वी घडलेल्या या घटनेनंतर वाघाच्या पिंजऱ्याभोवती सापाने प्रवेश करू नये यासाठी बारीक जाळी लावण्यात आली होती. मात्र ती जाळी आता सडली आहे. आता पुन्हा सापाने पिंजऱ्यात प्रवेश केल्याने वाघाच्या जीवाला धोका निर्माण झालाय.

Edited By - Chandrakant Jagtap