पुणे- बंगळुरू महामार्गावर आज (गुरुवार) कराड शहरानजीकच्या मलकापूर येथे सीएनजी सिलिंडरची वाहतूक करणाऱ्या ट्रक मधील एका सिलिंडरला गळती लागली. यामुळे ट्रक चालकाने जागेवरच ट्रक थांबविला. परिणामी महामार्गावरील वाहतुक काही काळ खाेळंबली.

घटनास्थळावरुन मिळालेल्या माहितीनूसार मलकापूर नजीक ट्रक येताच एका सिलिंडरमधून गॅस गळती लागल्याचे काहींनी चालकाला सांगितले. चालकाने तातडीने ट्रक रस्त्यावर थांबवला. ट्रकमधून गॅस गळती हाेत असल्याचे लक्षात येताच नागरिकांमध्ये घबराट निर्माण झाली.

यामुळे काही काळ महामार्गावरील वाहतूक खोळंबली. दरम्यान कंपनी कर्मचाऱ्यांनी गळती बंद केल्यानंतर ट्रक मार्गस्थ झाला. त्यानंतर वाहतूक सुरळीत झाली.

Edited By : Siddharth Latkar