नीट पेपरफुटी आंदोलनामुळे देशभरात चर्चेत आलेल्या कॉक्रोच जनता पार्टीचा संस्थापक अभिजीत दिपके यांच्या कुटुंबाविरोधात तक्रार दाखल करण्यात आलीये. दिपकेचे वडील भगवान दीपके यांच्या मालमत्तेची चौकशी करण्याची मागणी करण्यात आलीये. ज्येष्ठ वकील कपिल सिबल यांनी सीजेपीच्या आंदोलकांसाठी जाहीर केलेल्या 1 कोटी रुपयांच्या कायदेशीर संरक्षण निधीची चौकशी करण्याची मागणी आहे. सूरतमधील आरटीआय कार्यकर्ते अमित तिवारी यांनी या संदर्भात निवडणूक आयोग आणि कर अधिकाऱ्यांना पत्र लिहून या प्रकरणाची चौकशी करण्याची मागणी केलीये.

दुसरीकडे जंतर-मंतरवरील यशस्वी आंदोलनानंतर सीजेपीला मिळणाऱ्या विदेशी देणग्यांची चौकशी सुरू करण्यात आल्याचं राज्याचे गृहराज्यमंत्र्यांनी सांगितलंय. दरम्यान, साम टिव्हीच्या BLACK AND WHITE या विशेष कार्यक्रमात अभिजीत दिपकेंनी आपल्या आर्थिक परिस्थितीवर भाष्य केलंय..

सूरतस्थित आरटीआय कार्यकर्त्याच्या तक्रारीनंतर 'कॉक्रोच जनता पार्टी'समोर नवं आव्हान निर्माण झालंय. निधीच्या मुद्यावरुन सरकार दीपकेंच्या मागे चौकशीचा ससेमिरा लावणार का? आणि अभिजीत दीपके त्याला कसं सामोरं जातात हे पाहणं महत्त्वाचं असणार आहे.