गडचिरोली : गडचिरोली (Gadchiroli) शहरालगतच्या तीन वनपरिक्षेत्रातील नागरिकांनी आज वनविभाग मुख्यालयासमोर ढोल बजाओ आंदोलन करीत जोरदार निदर्शने केली. जवळपास दोन वर्षापासून तीन वनपरिक्षेत्रात वाघाने (Tiger) धुमाकूळ घातला असून याजपर्यंत या वाघाच्या हल्ल्यात 14 ग्रामस्थांचा मृत्यू झाला आहे. (Citizens agitation in Gadchiroli demanding killing of tiger)

हे देखील पहा-

या वाघाच्या दहशती विरोधात ग्रामस्थांनी ठिय्या आंदोलन- जेल भरो टाळेबंदी आंदोलन करून देखील वनविभाग (Forest Department) सुस्त आहे. 3 सप्टेंबर रोजी वन विभागातील वरिष्ठ अधिकाऱ्यांनी या वाघाला जेरबंद करण्याचे आदेश पहिल्यांदा दिले; मात्र त्यानंतरही या वाघाला विविध पथकांच्या नेमणुकीनंतर जेरबंद करण्यात अपयश आले आहे. वाघाच्या दहशतीमुळे सुमारे वीस गावातील नागरिकांच्या दैनंदिनीवर थेट परिणाम बघायला मिळत असून, शेतशिवारातील कामे ठप्प झाली आहेत. वाघाच्या दहशतीने विद्यार्थी शाळेपासून (School) मुकले आहेत.

वाघ पकडला जात नसल्याने वनविभागाच्या संथगती विरोधात नागरिकांनी आज गडचिरोलीच्या रस्त्यावरून ढोल बजाव मोर्चा काढला. स्थानिक वनविभाग मुख्यालयासमोर मुख्य वनसंरक्षक किशोर मानकर (Kishor Mankar) यांनी मोर्चेक-यांना सामोरे जात वाघाला जेरबंद करण्याचे आश्वासन दिले. वाघाला तातडीने ठार मारा व वन अधिकार्‍यांवर गुन्हे दाखल करा, अशी मागणी आंदोलकांनी पुढे रेटली आहे.

Edited By - Jagdish Patil