शुभम देशमुख, भंडारा

Bhandara :

भंडारा जिल्ह्याच्या पवनी येथे शुद्ध पाण्याचा पुरवठा करता यावा म्हणून जलशुद्धीकरण केंद्रामध्ये वापरण्यात येणाऱ्या क्लोरीन वायूच्या हंड्यामधून रात्रीच्या सुमारास वायू गळती झाली. यामुळे परिसरातील नागरिकांत भीतीचे वातावरण निर्माण झाले. या घटनेत 2 जणांची प्रकृती गंभीर झाल्याने त्यांना जिल्हा सामान्य रुग्णालयात (Government Hospital) दाखल करण्यात आले आहे.

हा प्रसंग पालिका कर्मचाऱ्यांच्या लक्षात येताच पाणी पुरवठा विभागाचे कर्मचारी यांनी वायू गळती होत असलेला हंडा जलशुद्धी केंद्राच्या बाहेर काढून क्लोरीन वायू हवेत मिसळणार नाही याची दक्षता घेतली. तसेच पाणी साचलेल्या खड्ड्यात हंडा टाकीत टाकला.

तरी सुद्धा 500 मीटर अंतरावरील रहिवासी यांना श्वास घेण्यास त्रास जाणवला. त्यामुळे त्यांना रुग्णालयात दाखल करण्यात आले. या घटनेत 15 जणांची प्रकृती अस्थिर असल्याचे सांगितले जात आहे. तर 2 जणांची प्रकृती गंभीर झाल्याने त्यांना जिल्हा सामान्य रुग्णालयात दाखल करण्यात आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar